Har vore ein tur i Kvanndalen. Ønskjer å laga eit bildespel/video som presenterer landskapsvernområde. Når den er klar veit eg ikkje, men manglar enno sentrale bilde.
Turen denne gong starta med kano over Kvanndalsdammen, inn sjølve dalen og ut igjen på Svultanutskora, 3-400 meter over dalbotnen. Turen gjennom øvste del av dalen blei ei våt oppleving. I motsetnad kva meteorologane hadde varsla, opna alle himmelsluser seg slik at vassmengder i bekkar og elvar auka ganske mye. Ein fleip om at vasstanden ville auke så mykje i Kvanndalsdammen at kanoen ville reise på eige hand, viste seg å vere nærare sanning enn tull (kanoen låg å slo mot land, takk til pålandsvinden!).
Området har ein flott og rik flora, særleg i Svultanutskora, men denne gong blei det med tur- og landskapsbilde, samt noen videosnuttar. Du ser noen av bilda her.