Kveld på Blåsjø

Eg hadde ein kveldstur til Blåsjø i går kveld. Det var ein fin kveld med stille klart sommarver. Men lite interessant sånn reint fotografisk.. Eg pakka saman utstyret og skulle til å køyre heimover då eg fekk auge på månen. Eg klatra opp den fyrste og beste haugen eg fann. Sjølv om det var blitt litt for mørkt til at eg kunne halda inne litt detaljar i månen er eg likevel nøgd med bildet.

Etter at eg hadde fått landskapsbildet var det tid for å teste den nye telezoomen. 70-300 mm pluss 1,4 telekonvertor gir 425 mm. I tillegg dobler Olympus dette i forhold til standard 35 mm filmkamera. (Om dette er gresk for deg, så berre bla vidare til bildet...) Med dette oppsettet trygt plassert på berget ville eg sjå om eg kunne få eit nærbilde av månen.

Månen

Ved neste fullmåne får eg prøve igjen..