Den helga me nett er ferdig med har vore den finaste så langt i år. Ja veret har vore supert og, men mest av alt fordi den har vore godt nytta. Fredag etter jobb var eg ein tur inn til Breiavad og prøvde fiskelukka. Var ikkje heime igjen før halv 2 på natta. Laurdag (igjen etter jobb..) til sundag var eg og Elisabeth på telttur. Då me parkerte bilen på 950 moh kl 18.00 var det 26 grader. Ein flott kveldstur i lett terreng venta.

På veg inn til teltplassen fekk eg lufte flogestanga litt. Det berga kveldsen med 2 fine aurar. Og fisket fortsatte å vere fantastisk. 14 aurar fekk eg totalt, 2 av dei over kiloet. Dei største fekk gå igjen, men 5 blei med heim. Den største fekk eg i ein innos 1 meter frå land på 20-30 cm djupt vatn! Like før fekk eg ein rett under kiloet på same staden. Dei store fiskane var framleis litt slanke, men dei mindre var stort sett i godt hold.

Me var ikkje heime før seint sundag kveld. Trøtte, men fornøyde :)

Begge bilda er tatt med Canon 5DmkII med 24-105 F4.