Laks i Etneelva

Eg var ein tur i Etne i går og henta noko isopor til ein kunde. Sjølvsagt kunne eg ikkje køyre tilbake igjen før eg hadde hatt ein tur langs elva. Denne laksen viste ryggen i sone 1 nederst i elva. Ein fin mellomlaks skulle eg tippe. Medan eg sat der kunne eg og sjå fleire laksar som ploga seg inn i hølen på brekket.

Eg har ikkje fiska i Etne sidan 2007, og då eg sat der i går kjende eg på heile meg at det var altfor lenge sidan. Suldalslågen er flott, ja for ikkje å seie fantastisk, men Etneelva er mykje meir intim. Du ser så mykje meir laks og der. I lågen står han mest og sturer på botnen medan han i Etne er meir "leiken". Eg må beint fram få meg eit døger der snart! Berre eg kunne bli kvitt denne sjuka som har helde meg i lås dei siste vekene... Bildet nedanfor er frå nest siste turen eg hadde i Etne 2007. Laks på 3,5 kg i Steinehølen.

Laksefiske

Teknisk: Øvste bilde er tatt med Canon 5DmkII med 70-300L ved 300mm, f5,6 ISO400. 1/320 sek. Handholdt.  Nedste bilde er tatt med Olympus E500 og 11-22 ved 11mm, f11. ISO100. 1/100 sek. Stativ og sjølvutløysar.