Når me starta samarbeidet om denne nettsida bestemte me oss for at eit søkbart arkiv skulle vere sentralt. Nyleg passerte me 4000 bilde, og stadig kjem det nye. I stor grad er det nye bilde som blir lagt til, men me har og ambisjonar om å legge til eldre digitale bilde, og ikkje minst dias.

Når me starta valde me Coppermine som programvare. Denne var gratis, enkel og hadde tilleggskomponentar som gjorde at dei siste bilda som blei lagt til, kunne visast på framsida til SuldalFoto (Joomla). Ved seinare oppgraderingar har denne moglegheiten diverre falt bort og arkivet lever difor sitt eiga liv. Det har også vist seg at programmet ikkje fungerer særleg bra sett i forhold til søkemotorar som t.d. Google. Trass desse manglane fungerer arkivet brukbart. Så får me sjå om me seinare veljer ei anna og betre løysing, om dei finst då?

Her er noen utvalde søkeord: amfibie, hjort, reinsdyr, Kvanndalen, barn og friluftsliv, Suldalslågen, fluefiske, hubro.  Og her kan du søke sjølv.

Fjelltjæreblom