Å byggje hus krev tid. Altfor mykje tid. I alle fall om ein skal halde alle trådane sjølv og i tillegg er på kurs ein annan stad i landet 3 dagar i veka... Bortsett frå det er det ikkje noko i veien for å ta gode bilder for tida. Eg køyrde kolonne over Haukeli sist søndag og alt eg kunne tenke på var dei fine motiva eg glimtvis såg innimellom snøføyka!

Når eg tilslutt får tid, eller rettare sagt tar meg litt tid, er det greitt å søke dei gode gamle plassane. Og kjende motiv. Har eg ikkje vore ute og fotografert på ei stund, kan eg vere sikker på at minst halvparten av dei bilda eg har med heim på minnebrikka er frå ein bekk, eit tjern, sjøen eller Lågen. Sånn er det berre.

Dagens bilde er ikkje noko unntak. Det er teken på kloss i vegen mellom Jelsa og Grønnevik. Ein fin foss eg har fotografert før men med akkurat passe vannføring den dagen eg tok meg litt tid..

Teknisk: Olympus E-3, 11-22 mm ved 18mm, ISO 100, Stativ. HDR av 5 bilde satt saman i Lightroom med Enfuse plugin.

Eg håper å vere i hus ein gong i mai og at ting normaliserer seg litt då..