Reklame
Søndag 17. februar var eg på veg heim frå Voss. Me rakk akkurat ikkje ferja frå Kvanndal til Utne og vart ståande på kaien i 50 minutt. Med andre ord hadde me god tid til å sjå kvar minste detalj av denne kaien. Hadde det ikkje vore for at det regna elefantar og blåkvalar kunne det vore hyggeleg nok etter ei lang helg.

Så snart eg fekk auga på dette bildet, måtte eg fram med kamera og paraplyen. Det var ein del av eit større reklameskilt kor Hardanger blei hausa opp til dei høgaste toppane. Det var både rett og rimeleg det men.. Problemet mitt var at alt omkring skreik at dette var feil feil feil! Her stod eg no i byrjinga av vinterferien, i striregn og skodde og såg på eit bilde av sommarlett natur. Det berre måtte bli ein del av den verda eg var i.

Bildet er eit av fleire. Dette var det beste snittet mellom glansbildet og verda kring det.