SuldalFoto.no

I 2011 blei det skrivi 50 innlegg og vist ennå fleire bilde her på bloggen. I år ønsker me å vise ennå fleire foto. I tillegg til "vanlege" innlegg, vil me framover trekke fram "Vekas bilde". Først ut er dette bilde frå Reinstølen teke for nokre dagar sidan. Eksponeringstida var 24 sekund ved f20. Blånissane var nok ute...

Nokre av dykk har den siste tida sakna moglegheiten til å kommentere bloggartiklane her på nettsida. Grunnen til at denne er borte er ein feil me fikk i databasen. Me jobbar no me saka, og vil snart presentere nettsida i ei oppdatert utgåve.

Og til alle våre leserar: GODT NYTT ÅR!
I år blir det mange blinkskott....

Eg har handla inn eit par lyssterke objektiv i haust for å sjå om eg kan få til nokre brukbare nattbilder. 50mm f1.4 og 24mm f1.4L mk2. Heldigvis er begge godt brukande til andre ting og, for det er ikkje fritt for at himmelen stort sett har vore dekt av eit tungt skydekke mesteparten av hausten. Men nokre turar har det blitt. Etter å ha bomma grovt på tidenes nordlysshow (mange bilder, mye ull..) fann eg ut at Canon sine objektiver har ein fokus som går lenger enn til uendelig. Skummelt å tenke på..

Med bilder ute av fokus rydda av vegen, har eg hatt nokon fine turar. Her er nokre bilder frå dei. Alle er tatt med Canon 5Dmk2 og stativ.

50mm, f4, ISO800, 13 sek

24mm, f16, ISO200, 2110 sek (35 min og 10 sek)

24mm, f2, ISO2500, 25 sek

24mm, f2,8, ISO2500, 30 sek. HDR- 3 ulike framkallingar av same bilde satt saman.

24mm, f2, ISO2500, 30 sek, HDR - 3 ulike framkallingar av same bilde satt saman. Sterk lysforurensing nedst i bildet. Mest berre sjarmerande..

God Jul!

Her er eit par bilde teke ved Sandsavatnet for nokre dagar sidan. Det er kveld og blåtime. Og i tillegg blå voks under skia. Nydelege forhold...
Det øvste bilde viser Haugastølen med Månastølnuten i bakgrunnen. Det nedste viser Sandsavatnet og Napen.

Eg gjekk meg ein tur ovom Markosvatnet og utover mot Suldalsdalen. Ovom Mork er det fleire store klipper kor ein får særs flott utsikt. Dalen låg mest heilt dekt av skodda medan det var flott ver der eg sat. Det gav mange gode motiv, her er eit par av dei.

Begge bilda er tatt med Canon 5Dmk2. Det øvste med 100mm L makro, det nedste med 24mm L mk2.

Omsider, etter ein lang mildvêrsperiode låg det det i dag 15 cm snø på bakken. Og snøen måtte festast på minnebrikka! Det øvste viser utosen ved Mjåvatnet (sør for Suldalseidet/Hylsfjorden). Det var blankt vatn når eg rigga til stativet, men vinden og byga kom fort. Nokre eksponeringar viste at polarisasjonsfilteret måtte opp av sekken, kontrastane i vatnet kom ikkje fram elles. Dessutan var det naudsynt med fleire alternative eksponeringar for å få fram heile landskapet (hdr).

Bilde under er teke ved eit lite tjern like i nærheten.

Søndag 19.juli blei det første Kraftrittet arrangert. Omlag 90 sykkelistar deltok i terreng-turrittet på omlag 5 mil. Og det blei ein stor dag som garantert blir å finne på kalenderen også neste år.
Under rittet var me ute og fanga stemningsrapportar (Kjetil og meg), både med bilde, film og mikrofon. Planen er å laga ein liten film, men denne må me ha nopkre dagar for å bli ferdig med. Her er eit lite utval bilde frå dagen.

Forrige søndag var eg på tur innover Kvilldalsdalen. Eg enda oppunder Botnavatnet, men då eg gjekk på venstre side av elva oppover og det ikkje var råd å komme seg over, vart det til at eg stanna like nedom. Det hjalp heller ikkje at eg gjekk meg skikkelig fast i ei fjellside fullpakka av rosenrot. Der stod eg og brekte på hjelp ein halvtimes tid før eg fekk dei verste skjelvingane ut av beina og fekk karra meg ned igjen. Det vart på ein måte slutt på all utforskartrong etter det... Men om ikkje anna, så er rosenrota godt representert i bildeserien du no kan sjå. Vel bekomme!

Eg var ein tur til Svartavatnet om Fossane sist torsdag. Planen var ta nokre bilder av kvitveisen mot fossen nedom sjølve Fossane, men dei blåste bokstavleg talt vekk. På vegen opp støkte eg ein orrhane. Utsikten mot Mosvatnet er flott når du først kjem ovom fossen, men det var nokså flatt lys så noko bilde å snakke om vart det ikkje.

Vel oppe med vatnet satte eg meg ned for ein pust i bakken. Då fekk eg auge på nokre små blomar nedi lyngen. Greplyng. Noko ussalege var dei, men kva gjer vel det når det er dei første eg har sett i år. No var det om å gjere å finne ein stad kor ikkje vinden ruska for mykje i dei. Med hjelp frå sekken og kleda eg hadde i den fekk eg bygd ein levegg stor nok til å prøve. Nok var det ikkje, men her er no eit noko brukande resultat. Så får det heller vere gleda over å sjå dei igjen meir enn bilde eg hugsar...

Før eg bles bort måtte eg sjå til å komme meg ned att. Og på vegen vart lyset litt annleis enn då eg gjekk opp. Tunge skyer rulla innover Mosvatnet, medan det danna seg ei stripe med klår himmel bakom Gullingen. Dette kunne bli til noko. Eg småsprang nedover bakkane til eg fann igjen bekken like ovom ein liten foss. Med fossen i forgrunnen, Mosvatnet, Gullingen og skyene som bakteppe kunne det bli eit ok bilde.

Bilda er tatt med Canon 5DMKII og 100mm Makro (øvst)/ 17-40mm (nedst)

Til Klungtveit høyrer det fleire stølar. Her er to av dei. Det første bilde er frå Nedstastølen som ligg fint til over Suldalsvatnet. Å gå hit tek ein knapp time. Litt lenger inn og opp i vassdraget ligg Toskesstølen ved Toskestøltjørna.

Det er ti-femten år sidan sist eg var her med fotoapparat. Eg tenkte då at eg snart skulle hit igjen (men nei). Landskapet er nemleg storslått og spennande. Turen forbi Klungtveit går gjennom eit særmerkt kulturlandskap med hundrevis av kydlestuvar, bakkemurar og hus. Og lengre opp ligg altså stølane. Eg håpar på å kunne vise fleire og nye bilde frå område utover somaren.